Íslenska óperan

Íslenska óperan

Íslenska óperan hóf starfsemi sína undir lok 8. áratugar síðustu aldar og er því sannarlega ung að árum, ekki síst ef borið er saman við aldur rótgróinna óperuhúsa í Evrópu sem telja aldur sinn í árhundruðum. En aldrei hefur skort á atorku og metnað hjá þessari ungu stofnun og ætlar hún sér fastan og mikilvægan sess í íslensku menningarlífi til frambúðar.

Takmarkið er að bjóða upp á fjölbreytta og metnaðarfulla dagskrá yfir vetrarmánuðina þannig að óperuáhugafólk geti gengið að því vísu að Íslenska óperan sé jafnan með eitthvað áhugavert á boðstólum.